2023年3月28日 星期二

作曲家柯芳隆,為「二二八事件」、「九二一大地震」譜出交響樂曲(邱斐顯 Podcast 第三集)

 

文/邱斐顯

 

(柯芳隆於邱斐顯的個人著作《想為台灣做一件事》發表會致詞,2010116日。 

照片攝影:謝慶龍。)


各位聽眾朋友,大家好。我是邱斐顯Khu Huí- hián

這是邱斐顯Podcast 第三集。

 

(點入去下面的連結,收聽「邱斐顯 Podcast 第三集」。)

https://open.firstory.me/story/clfr13uxk00c101v3dw396tbm

 

 

今仔日,我欲介紹的人是,為「二二八事件」,譜出交響樂曲(ga̍k-khik)的作曲(tsok khik)家柯芳隆教授。

 

頂一集,我的Podcast節目內底,有介紹「推動台灣詩,行向國際」的詩人李魁賢。我有提到,李魁賢寫一首非常長的台灣歷史長詩《二二八安魂曲》。這首詩,後來譜成交響樂佮合唱曲。作曲者,就是今仔日我欲介紹的主題人物,作曲家柯芳隆教授。

 

今年3月初,柯芳隆教授有傳來予阮先生江蓋世一個消息,他的個人傳記(tuān-kì)出版矣(ah),他欲將冊寄予阮。

 

柯芳隆教授講,我2010年,共()他採訪,寫一篇真詳細的報導,予他這兩年矣(ah),有考慮欲出版他個人的傳記。前兩禮拜,我收到柯芳隆教授的冊,我共阮先生江蓋世攏(lóng)非常歡喜,阮兩个(ê)人三更半暝就佇()遐(hia)研究他的冊。

 

此嘛(tsit-má)是3月。我本來希望,會當將柯芳隆教授這一集的Podcast,趕佇(2月底進前做好捒(sak出來。毋過,我較頇顢(hân-bān),趕袂赴。

 

不過,發生佇1947年的「二二八事件」本來就不是干焦(kan-na)發生佇228日一工的事件爾爾(niā-niā)。

 

佇遮,我欲借用詩人李魁賢佇《二二八安魂曲》的話頭,將二二八事件做一个(ê)簡單的背景說明。李魁賢的詩按呢(án-ni)寫:

 

晚頭仔,二月二十七,無風無雨,彼是一九四七年風雨亂紛紛的年代。

太平洋戰爭結束,在太平洋的島嶼台灣,主權換人,無共款文化體質互相衝激。

 

中國內亂和政治激烈變化,影響台灣,物價大起,社會不安,亂象愈來愈明顯。

 

二月二十七,晚頭仔,天馬茶房亭仔腳,台北市南京西路繁華的所在,查黑市的警察捒倒攤販(thuann-huàn)林江邁的菸攤仔,路邊的人議論紛紛,警員著驚,舉槍亂濺(tsuah),旁觀者僥倖著槍子(tshìng-tsí),群眾激動。第二日,全台灣齊震動,就按呢(án-ni)發生風雨狂狂滾的二二八事件。

 

這(tse)是詩人李魁賢的詩,《二二八安魂曲》的話頭。

 

二二八事件發生了後,三月初,從()中國調來的軍隊,遐爾兵仔開始追殺台灣人,以後一路湠開(thuànn-khui)自北到南,足濟(tsiok tsuē)台灣的菁英份子、頭人、市民代表,甚至是一般民眾,不是予(hōo)拍,予(hōo)掠,予(hōo)關,予(hōo)刣,予(hōo)槍殺,就是失蹤,下落(hē-lo̍h)不明。

 

這(tsit)一年,全台灣,政治動亂、社會不安。台灣人民的日子,過甲(kah)非常的(--ê)驚惶(kiann-hiânn)。

 

針對「二二八事件」,台大歷史系的教授周婉窈,甚至佇她的面冊,寫講「三月做大水,是全島做大水,水是紅的。」

 

所以,我這(tsit)時來介紹,為「二二八事件」,譜出交響樂曲(ga̍k-khik)的作曲(tsok khik)家柯芳隆教授,並袂傷(siunn)晚。

 

誰人是柯芳隆?為什麼柯芳隆欲(beh)為「二二八事件」佮譜出交響樂佮合唱曲?

 

我上早(siōng tsá)對柯芳隆教授,為「二二八事件」,譜出交響樂曲(ga̍k-khik)有印象,是佇20084月初,師大音樂系的師生佮校友欲演奏佮演唱《二二八安魂曲》。

 

2008年,我佇中央通訊(thong-sìn)社,做網路(bāng-lōo)編輯的時陣,捌(bat)用英文編輯這个(ê)《二二八安魂曲》音樂會的活動報導。因為這个(ê)編輯工作(kang-tsok)的需要,我主動佮這位作曲家柯芳隆教授連絡。

 

我心內有一屑屑仔(tsi̍t-sut-sut-á)好奇佮疑問。因為作曲家柯芳隆教授,彼當時是國立師範大學音樂系的系主任。一般來講,親像師範大學這款較保守的大學,哪會(ná ē)有教授,甚至是系主任,願意為詩人李魁賢所寫的《二二八安魂曲》這首詩,來譜曲?

 

我共這個疑問,囥(khǹg)佇心內。柯芳隆教授真歡喜我欲用英文來報導這个(ê)活動。柯教授甚至猶(iáu)毋捌我,就邀請我去參加這个(ê)音樂會。毋過,因為工作關係,我共柯教授說(suè)多謝,但是我無方便參加。

 

2010年,我佇雜誌寫專欄的時陣,想欲訪問柯芳隆教授,就透過我所熟識的曾道雄教授幫我問柯芳隆教授。彼時,柯芳隆教授已經無咧做系主任丫。

 

曾道雄教授寫email予(hōo)我,他佮我講,柯芳隆教授做師大音樂系系主任的時,成立「表演藝術研究所」,以及後來的「音樂學院」。他是一位腳踏實地的作曲家,佮非常認真的好老師,他嘛捌得到吳三連文藝獎,他的作品--啼哭的美人魚Crying Mermaid,除了藝術價值以外,嘛有環保意識,你會當共他訪問。」

 

我前後,共柯芳隆教授訪問兩擺。頭一擺訪問的時,他真客氣,並沒對我講他Kaddi較深入的觀點佮經驗,也就是講,他無提供較贅的資料,通好予(hōo)我寫。我問阮先生江蓋世講:「今嘛,欲按怎?我寫無什麼故事啦。」

 

他應我講:「那就是妳問的問題,不夠具體,嘛無直接。妳著()愛(ài)較大膽去共()問,才有可能得到較特別的答案。」

 

我甚至因為這个(ê)困擾,敲電話去請教詩人李魁賢。他共()我講:「柯教授,他人真客氣,但是話無贅(tsuè),我對他嘛()無啥了解。」

 

兩天後,我第二擺敲電話予柯芳隆教授。這擺,我提出較閣贅(tsuè)深入的問題去問他。他佮我講起,他的出世,他的家族,他小漢的生活,他按怎牽牛去吃草,他讀師專以後,按怎去學鋼琴,他讀大學以後,按怎去學創作樂曲。

 

他共()我講他的豐富、閣(koh)精彩的生命故事,慢慢仔,我就知影我欲按怎去描寫他這个(ê)活靈靈的台灣作曲家。

 

原來,柯芳隆是1947年出世êIn厝佇台中縣、大安鄉的南埔村。南埔村是大甲溪入海口的所在。雖然這是一个(ê)庄跤(tsng-kha)所在,但是仝款無法度避免受到「二二八事件」的影響。

 

柯芳隆共我講,他小漢的時陣,捌聽過厝內的序大人講起,他的阿舅本來佇鄉公所擔任課長,因為二二八事件,被逮捕,而且予人「灌屎」。這段悲慘的歷史,他不時記咧心肝頭。他希望自己會當用音樂創作,來記錄這段黑暗閣(koh)沉重的台灣歷史。他希望會當用這首安魂曲,紀念為台灣勇敢犧牲的受難者。

 

柯芳隆教授本來想欲(beh)揣(tshuē)一首較適合的台語詩詞來譜曲,但是他揣(tshuē)真久,攏揣(tshuē)無。

 

二○○六年,拄好(tú-hó)詩人李魁賢將〈二二八安魂曲〉的詩寄予(hōo)他,柯芳隆歡喜甲,敢若(kánn-ná)拿(thê)到(tio̍h)寶貝物件。續落來,柯芳隆就用一年的時間,完成樂曲創作(tshòng-tsok)。

 

柯芳隆佇創作的時陣,為了會當閣(koh)較正確掌握李魁賢台語詩詞的音調,特別拜託李魁賢用錄音的方式,大聲讀出這首〈二二八安魂曲〉,予他會當一直聽著(thiann-tio̍h)這首詩讀出來的聲音。

 

柯芳隆說:「李魁賢大聲讀〈二二八安魂曲〉的錄音檔案,這嘛(tsit-má)猶保留佇我的電腦頂頭。」

 

詩人李魁賢呵咾(o-ló)柯芳隆,講:「〈二二八安魂曲〉總共有六個樂章,兩百二十八行的歷史長詩,柯芳隆都會當按照時間、按照章節,)伊完成譜曲,而且彼陣他閣(koh)是師大音樂系的系主任,有無閒袂了的學校行政工作(khang-khuè)愛處理。他真正是一位非常認真的作曲家。」

 

〈二二八安魂曲〉是台語詩詞佮(kap)管弦樂的大型創作,不但有管弦樂器的合奏,閣(koh)有合唱團加入合唱。〈二二八安魂曲〉完成的時陣,柯芳隆六十歲。嘛是「二二八事件」六十週年的紀念。

 

就是為什麼一咧國立師範大學音樂系的系主任柯芳隆,欲創作〈二二八安魂曲〉上大的原因。

 

 

-------

 

 

2023年,二月初六,TürkiyeSūriyā相黏(sio-liâm)的地帶,發生非常大的地動。死亡的人數,超過五萬七千偌(guā)人。這是Türkiye 100偌(guā年來死亡人數最多的地動。

 

這(tse),予(hōo)咱想起24年前,西元1999921日,台灣拄著世紀大地動-「921大地動」,整個台灣,天災佮(kap)人禍,予(hōo)足(tsiok)贅(tsuè)人(lâng)家破人亡。

 

兩千偌(guā)人當場因為地動來過身,一萬偌(guā)人受傷,五萬偌(guā)間的厝全部予地動晃(hián)倒去,另外五萬偌(guā)間的厝倒一半。真贅人不但Kaddi的親人、朋友過身,而且,Kaddi住的所在攏無去矣。

 

這咧大地動,予(hōo)台灣人民悲傷過日子。柯芳隆決定欲用音樂創作來表達他對這塊士地的愛,佮(kap)疼心。因此,他創作大型管弦樂與合唱的交響曲作品--2000年之夢》。他甚至事先邀請台語詩人林央敏為這咧合唱曲來寫詩。

 

這首《2000年之夢》自從發表以來,包括島內和海外,已經演出十幾擺,每一擺攏動員兩三百人參與演出,這首予人聽著會振作的交響曲,真贅聽眾聽了(liáu),攏真感動。

 

有關我訪問柯芳隆教授的文章,我會佇這集的Podcast下面,囥(khǹg)相關的連結。

 

非常感謝各位今仔日的收聽。再會。

 

 

牧童作曲家柯芳隆的《二二八安魂曲》

文/邱斐顯

https://felicitychiu.blogspot.com/2010/08/blog-post.html

 

228 Requiem 二二八安魂曲 YouTube連結網站:

https://www.youtube.com/watch?v=cyWn9X92EOc

 

邱斐顯訪談心情燒錄(40)/熱情/四、作曲編曲,靦腆木訥

https://felicitychiu.blogspot.com/2015/06/40.html

 

 


2023年2月13日 星期一

詩人李魁賢,推動台灣詩,行向國際!(邱斐顯 Podcast 第二集)

邱斐顯

 

(李魁賢於邱斐顯的個人著作《想為台灣做一件事》發表會致詞,2010年11月6日。

照片攝影:謝慶龍。)

 

各位聽眾朋友,大家好。我是邱斐顯。

這是邱斐顯   Podcast 第二集。


(點入去下面的連結,收聽「邱斐顯   Podcast 第二集」。)   

https://open.firstory.me/story/cldt2hj7m0y1401tj34hm7lzd



今仔日,我欲介紹的人是:

詩人李魁賢,推動(thui-tōng)台灣詩,行(kiânn)向國際。

 

 

今仔日的節目,我分做三个(ê)部分來介紹:

第一(ê)部分,誰人是李魁賢?

第二(ê)部分,李魁賢,他寫過什麼款的詩?

第三(ê)部分,為什麼李魁賢欲(beh

推動(thui-tōng)台灣詩,行(kiânn)向國際?

 

 

第一(ê)部分,誰人是李魁賢?

李魁賢,是台灣有名的詩人。

他佇台灣本土,寫詩--

關心台灣人、台灣事,台灣歷史,佮台灣文化。

 

李魁賢,嘛是(mā sī)國際有名的詩人。

他,有能力將家己的作品,翻譯做(tsò)英文;

而且他嘛()有能力將外國詩人的作品,翻譯做(tsò)中文。

 

李魁賢,他不但用詩,佮(kah)國際詩人交流,

他甚至盡全力,推動台灣詩,行向國際。

 

李魁賢,今年85歲。從(1953年,17歲開始寫詩,到2023年,他寫詩的歷史,就滿70年囉!一個詩人,堅持他寫詩的熱情,將近70年,這就非常值得咱尊敬佮欽佩。

 

李魁賢將近70年寫詩的過程當中,得獎不計其數。你只要佇網路(bāng-lōo)頂頭,Google揣一下李魁賢,或者用Wikipedia查李魁賢,我保證你會看tioh一拖拉庫的資料,他不但得到真濟(tsin tsē)台灣的獎項(tsióng-hāng),嘛()得到真濟(tsin tsē)外國的獎項。

 

李魁賢,是真少數會曉真濟種外文能力的台灣詩人。所以,他會當盡全力推動 (thui-tōng)台灣詩行(kiânn)向國際。而且,帶領(tuà-niá)一寡比他較(khah)少年的詩人,做陣打拼。他甚至希望會當提升「台灣」與「台灣詩」的國際地位。

 

李魁賢,1937年出世佇()台北淡水,彼當陣,台灣是咧(teh)日本統治的階段。他讀小學的時陣,有讀著(tio̍h)兩年的日本教育。但是不外久,二次世界大戰就()結束。日本戰敗,他的日文教育嘛就(mā tioh)到此為止(kàu tsia uî-tsí)。

 

後來,中華民國的國民黨政府,徙(suá)來台灣,台灣的教育,全面從()日本教育,改做「講北京語的中文教育」。真濟(tsin tsē)日本時代台灣籍的教師,只好從()「教日語」,改做「教北京語」。

 

e老師為tio̍h「教冊的飯碗」,姑不而將(koo-put-lî-tsiong互中華民國政府強逼去學北京語。遮e老師,in的「北京語」,定定是前一工(tsîng tsi̍t kang)晚時才學e,第二天透早著(tio̍h)愛用「北京語」教學生。李魁賢佇小學三年以後,就()感覺家己(ka-kī)的「中文」學kah離離落落。

 

一直到kàu初中三年,李魁賢的「中文」,才認真學兩年爾爾(niā-niā)。彼陣,他真愛讀《開明少年》,毋過他的中文語(gí)詞()無夠,表達能力毋()好,寫作文的時陣,真傷腦筋。

 

他講,家己(ka-kī)想欲寫作,但是中文的底無好,所以改做寫詩,而且,詩的語(gí)句(kù)較短,著(tio̍h)會當表達意思,閣(koh)毋免受到古文「語(gí)法結構」的限制。

 

李魁賢17歲的時陣,頭一擺投稿,他的頭一首詩〈櫻花〉,就順利發表佇《野風》文藝雜誌頂頭。

 

因為寫的詩有發表,李魁賢受到鼓勵,就繼續寫詩。你可能以為他是讀文學的,或者是讀語(gí)文的。但是,李魁賢讀的是--台北工業專科學校。(就是台北工專)。這咧學校,此嘛的名稱是國立台北科技大學。佮其他的台灣詩人比起來,李魁賢學的是較特殊的化學工程,他算是少數「理工科畢業」的詩人。

 

數十年落來(lo̍h-lâi),李魁賢所寫的詩,除了佇()台灣發表以外,嘛()捌(bat)佇()中國、美國、菲律賓、香港,有各種語文的翻譯本。而且,他的詩,嘛()捌(bat)佇()日本、韓國、加拿大、紐西蘭、荷蘭、南斯拉夫、羅馬尼亞、印度、希臘、西班牙,這些(遮的tsia--ê)國家的文學雜誌佮詩刊頂頭發表。

 

雖然按呢,毋過(m̄-koh),你敢kám知影(chai-iáⁿ),李魁賢的老父,並無支持他的寫作。

 

13年前,2009年,我訪問詩人李魁賢,他按呢(An-ne)共我講(kā guá kóng):「我的詩發表在雜誌頂頭,雜誌寄到我家去,我老父接到了後,就把它收起來,藏在屜仔(thuah-á)底,毋()互我知影。有一次,我無意中打開屜仔(thuah-á)才發現。以後,每一擺有冊或者是雜誌寄來,我老父攏毋()講,我嘛惦惦無欲問,因為他無甲意我寫詩投稿。」

 

當初in老父反對,沒想到(kàu)後來,數十年落下來,詩的創作與翻譯,煞(suah)變成李魁賢生命中非常重要的一部份。

 

他的詩時常發表,in厝內,定定收到發表的通知佮雜誌,久來,連郵差攏知影(lóng tsai-iánn)他的姓名和住址。李魁賢講,「我讀工專的朋友要寄批互我,不知道我淡水的確實地址,干焦(kan-na)佇批囊(phue-lông)頂頭,寫一咧『淡水李魁賢』,結果,郵差著tio̍h真正將批送到阮兜來。」

 

chit 遍,我訪問詩人李魁賢,是2009年。這是13年前的代誌囉。

 

李魁賢捌(bat)做過國家文化藝術基金會的董事長。2007年底,他拄卸任。彼陣,他已經七十歲矣。但是,人講,人生七十才開始。2008年,李魁賢有in查某囝的協助,他開始學習使用電腦。

 

他不但學會曉用注音符號(hû-hō)輸入中文,嘛()學會曉用Skype通訊(thong-sìn)軟體,佮(kah)住國外的查某囝連繫。若拄到電腦頂頭他毋捌的問題,他long會叫他的查某囝教他。

 

李魁賢學會曉使用電腦了後,他沓沓仔(ta̍uh-ta̍uh-á)將家己過去數十年來所寫的作品,一千外首的詩,一篇一篇打字,一篇一篇囥佇他個人的BLOG「名流(tsu-pâng)書房」頂頭。他嘛()利用電腦整理他個人佮家族仔的歷史佮故事。

 

2009年,我採訪他的時陣,他講,他的BLOG內底有1034首的詩。

 

tioh這擺Podcast的節目,我最近閣(koh)佮他請教,這(tsit)十二、三年來,是不是有增加較濟(khah tsē)的資料。他講,BLOG內底的詩,此嘛(tsit-má)是1265首詩。比過去,增加231首。

 

 

第二(ê)部分,李魁賢,他寫過什麼款的詩?

 

頭前,我有講過,李魁賢是台灣有名的詩人。他佇台灣本土,寫詩--「關心台灣人、台灣事,台灣歷史,佮台灣文化」。

 

因為他的詩真濟,我無beh佇遮詳細講,我會將李魁賢名流書房BLOG的連結囥佇這Podcast下面。

 

李魁賢的詩,一向攏是關懷社會、關懷弱勢,針對台灣歷史悲劇「二二八事件」,他寫出一首,兩百二十八行(tsuā)的歷史長詩〈二二八安魂曲〉。這首詩的創作,先用華語發表,後來才用台語發表。這首詩的創作時間真長,經過幾若年才完成。

 

台語版的〈二二八安魂曲〉,2006228日發表於《台灣日報》,全首詩攏總有六章,兩百二十八行tsuā。後來,師大音樂系的系主任柯芳隆教授,將〈二二八安魂曲〉譜成交響樂與合唱曲。200847日,在師大音樂系,老師、學生,佮畢業的音樂系系友聯合演奏、合唱之下,佇國家音樂廳舉行 頭一擺演出。彼當陣,71歲的詩人,李魁賢本人,就站佇舞台頂,配合音樂佮節奏,大聲讀toih他家己所寫的詩。

 

李魁賢,是真少數會曉真濟種外文能力的台灣詩人。

 

他小學的時陣,接受過兩年的日本教育,會曉一屑屑仔(tsi̍t-sut-sut-á)日語。等到他二十外歲,出社會、吃頭路,他閣(koh)利用下班以後的時間,家己去進修三種語言。

 

一九六○年代,佇台灣,欲學習外國語言的環境無啥好,毋過,李魁賢總是盡量把握任何機會,不斷充實他家己的外國語言能力。

 

1961年,他日時,佇台灣肥料公司,做主管;晚時,他到台灣大學夜間補習班進修語言課程。一禮拜有三工晚時,著愛上課,他分別學的是:英文翻譯、基礎德文、佮日語對談,這(tsit)三種無仝款的語言。

 

1961年,李魁賢就開始將英文小說,翻譯做中文。1963年,他考進入去教育部歐洲語文中心德文科的高級班。1964年,他有考肇(ū- khó- tiâu)公費獎學金,本來有機會會當出國留學,但是後來毋知是啥什麼原因,獎學金煞予(hōo)取消。

 

1967年,李魁賢30歲。他予(hōo)台灣肥料公司//派去瑞士(sūi-se)工作(kang-tsok)三個月。李魁賢彼時非常欣賞德國詩人李如啟(北京語是里爾克),他認為他家己是一咧「執迷不悟的李如啟迷」,彼(hit)三個月的薪水,他差不多攏提去買李如啟所寫的冊。1972年,他接受邀請,參加設佇瑞士(sūi-see「李如啟學會」,做一咧會員。

 

毋但(m̄-nā)按呢,1966年至2001年的三十外年之間,他一直 leh翻譯李如啟所寫的詩。佇台灣,若欲講到翻譯李如啟作品尚濟的人,彼(he)咧人,就是詩人李魁賢。

 

除了用中文翻譯真濟(tsin tsē李如啟的詩,李魁賢嘛()佇1999年,用台語文字,翻譯英國大文學家William Shakespeare的戲劇作品《暴風雨》。這本冊,是由桂冠出版社所出版e。李魁賢所翻譯的台語版《暴風雨》,以前無這款的例,從()英語翻譯做台語,這是歷史上的頭一擺。

 

 

第三(ê)部分,為什麼李魁賢欲beh推動(thui-tōng)台灣詩行(kiânn)向國際?

 

一九七○年代,李魁賢就開始參加世界詩人大會(tāi-huē)。

 

1973年,世界詩人大會(tāi-huē)佇台北市的(ê)圓山仔大飯店舉辦第二屆的時陣,李魁賢有參加。他頭一擺佮印度詩壇領袖,而且是世界詩人大會(tāi-huē)創辦人之一的施里尼華斯(Srinvias)博士熟識。

 

三年後,1976年,世界詩人大會(tāi-huē)佇美國舉辦第三屆。這(tse)嘛()是美國為著慶祝.建國200年所舉辦的活動之一。

 

李魁賢佮施里尼華斯(Srinvias)博士他們(in)兩个人攏閣去美國參加第三屆e世界詩人大會(tāi-huē)。

 

施里尼華斯博士(Srinvias),主動共()李魁賢講,「咱三年前佇台北見過,我對你有印象。」這位印度詩人是前輩,他1912年出世,他的年紀閣比李魁賢25歲。從()這以後的三十外年,他們一直互相寫批保持連絡。

 

1995年,李魁賢擔任台灣筆會的會長。彼一年,台灣筆會舉辦亞洲詩人會議日月潭大會tāi-huē,為著籌備這咧活動,台灣筆會會長李魁賢就擔任這咧大會tāi-huē)的秘書長,他有邀請一位印度詩人來參加。

 

這咧詩人無法度來台灣,後來,他反倒轉邀請李魁賢,將詩寄去印度,互他刊佇雜誌頂頭,他嘛()向另外一位編輯推薦李魁賢的詩。李魁賢甚至得到西元2000年印度的詩人獎。

 

因為按呢,李魁賢開始積極投入詩的國際交流活動,希望會當推動(thui-tōng)台灣詩行(kiânn)向國際。

 

 

嘛()因為李魁賢共印度的特殊緣份,印度詩壇有三年(2001年、2003年,佮2006)提名他,去爭取諾貝爾(のべる)的文學獎。

 

20051月開始,李魁賢接任國家文化基金會董事長。兩個月後,李魁賢就籌備高雄的世界詩歌節,邀請1532位詩人,以及61位台灣詩人參加。

 

20057月,李魁賢用他家己的私人費用,支持蒙古佇烏蘭巴托,舉辦第一屆台灣蒙古詩歌節,他彼陣有招一寡台灣詩人,組團同齊去參加。

 

佇國家文化基金會董事長的任期內底,李魁賢總共舉辦兩擺台灣蒙古詩歌節。第二擺是2007年,他邀請13位蒙古詩人來台灣參加。

 

李魁賢,世界行透透,就是希望台灣人所寫的詩,會當予其他國家的人看會到。李魁賢認為,他從事國際詩交流活動,心肝頭尚重要的想法是,按怎表現出台灣詩的整體意象,不是以他個人的表現為滿足,所以,他攏會盡量招(tsio)其他詩人做夥參加。

 

現在,全世界最大的詩人團體,它的名稱,號做「世界詩人運動組織」,這是由一位南美洲、智利Chile的詩人,路易.阿里亞斯.曼佐(Luis Arias Manzo)佇200510月所創辦。會員涵蓋五大洲和阿拉伯世界,總部設在智利聖地牙哥,有將近130國、超過9,200 ê人參加。這是迄今(kàu-ta)為止、全世界最大的詩人團體。

 

 

李魁賢,是世界詩人運動組織亞洲副會長。這咧亞洲副會長的職務,他為(2014年就開始做,一直到今嘛。

 

2015年,李魁賢開始策畫「台南福爾摩莎國際詩歌節」。他邀請11國、20位外國詩人來台灣參加。

 

2016年起,一直到2019年,福爾摩莎國際詩歌節,攏佇淡水舉辦。

 

淡水,是李魁賢的家鄉。淡水,不但是台灣北部的港口,嘛是台灣最早與海外交流通航的港口。數百年來,蹛(tuà)佇淡水的族群非常濟,有平埔族、河洛、客人、西班牙人、荷蘭人、日本人。多元的族群文化,予淡水晟做一個真有特色的所在。因為按呢閣較(koh-khah)會當吸引外國詩人來到台灣。

 

2020年,福爾摩莎國際詩歌節的活動,因為COVID-19疫情嚴重的緣故,就無邀請外國詩人來台灣,不過,國際詩歌節的活動改做線頂會議,猶原有8位外國詩人佇線頂參與。

 

2021年佮2022年,因為全球亦閣佇COVID-19疫情之下,咱福爾摩莎國際詩歌節的活動,為()過去的國際推廣,改做台灣本土詩人佮社區文化、大學校園的深入結合,淡水在地團體,譬如講淡水文化基金會,以及淡水忠寮社區發展協會,正咧打拼推廣淡水是世界文化城市的概念,希望有一工,會當向聯合國教科文組織申請成功。

 

 

為()寫詩、譯詩,到推動國際詩歌節的活動,詩人李魁賢是一位非常重要的推手,他就是希望會當將台灣推捒(the-sak)去世界各國,不論是用詩,或者是用文化、用城市e名,予台灣揚名國際。

 

李魁賢堅持他的理念一生奮鬥數十年,佮世界詩人交流,參與世界詩人運動。而且他認真打拼,為著推動台灣詩,行向國際,他不但招台灣詩人鬥陣(tàu-tīn),行出國外、拍開眼界,他嘛()邀請外國詩人來台灣,參與國際詩歌節的活動,才會當予其他國家的詩人,看會到台灣詩人的表現,以及台灣文化的精彩。

 

 

下面,我欲講的是,我佮詩人李魁賢的緣份。

 

講起來,我佮詩人李魁賢有一咧真特殊的緣份。

 

2008年,我在中央通訊(thong-sìn)社,做網路(bāng-lōo)編輯的時陣,捌(bat)用英文編輯一个(ê)音樂會的活動報導。這个(ê)音樂會的主題,號做(hō-tsò)「台灣新聲:二二八安魂曲」。因為這个(ê)編輯工作(kang-tsok)的需要,我主動佮這首詩的作者,詩人李魁賢連絡。彼陣,我尊稱他做(tsò)李魁賢老師(lāu-su)。

 

2009年,我離開中央社,恢復我家己寫作的工作(khang-khuè)。

 

彼一年个(ê)中秋節前一工,我當咧揣我家己个(ê)家族資料,揣我的外祖的名。我講的外祖,是阮爸爸的外公。結果佇網路(bāng-lōo)頂頭,我看到詩人李魁賢接受訪問的文章,提到他外公的名字,竟然佮我的外祖仝名,而且他所寫的長輩,嘛是我所知影的長輩。

 

2009年中秋節彼工,我敲電話互(hōo)李魁賢老師(lāu-su),我佮他講,「你的外公,是我的外祖,他是阮爸爸的外公。」李魁賢老師(lāu-su)聽著(thiann-tio̍h)了後, 我講真濟家族仔內底的親情(tshin-tsiânn),他真意外,嘛()真歡喜。我嘛()仝款。論輩份,他比阮爸爸較(khah)少歲,我著(tio̍h)愛叫他阿叔。

 

從此以後,我著(tio̍h)毋捌閣叫他李魁賢老師(lāu-su),我有當時仔(ū-tang-sî-á)叫他「魁賢阿叔」,有當時仔(ū-tang-sî-á)就直接叫阿叔。

 

2009年的中秋暝,彼一晚,電話掛掉,我隨寫一封email,互(hōo)魁賢阿叔。第二工早起,我就收到他的回批。他寫講:「昨晚真歡喜,原來咱毋但是(m̄-nā)同一國,而且是同一个(ê)家族仔ê。」魁賢阿叔甚至將他寫回憶(huê-ik)錄(lo̍k)的資料傳(thuân)互(hōo)我看。

 

200911月,我去共魁賢阿叔做深入的訪問。彼篇文章刊出來以後,有一擺,我佮我的先生江蓋世去拜訪他,阮三个(ê)人開講,講到他的外語能力,他知影蓋世捌去過羅西亞(Russia),他著(tio̍h)佮阮講:

 

「我有一咧外國詩人朋友隋齊柯甫(Adolf P. Shvedchikov),是羅西亞(Russia)的詩人,這位詩人佮我同年出世,攏是1937年出世的,而且他嘛()是理工科系的教授。」

 

蓋世聽著(thiann-tio̍h),感覺真心適(sim-sik),著(tio̍h)問:「阿叔,你佮他有什麼較特殊的往來否?」

 

「有喔!他共我寫的五十首漢語的詩,譯做羅西亞(Russia)的文字,然後用這(tsit)兩種文字同齊出版。這本詩集,號作《溫柔的美感》。我這有幾若本Russian的版本,會當送予你做參考。」

 

若不是李魁賢堅持推動台灣詩行向國際,他可能嘛拄袂著這款代誌,有仝年紀、仝理工科的詩人朋友,將他的詩譯做羅西亞(Russia)語。

 

 

這是邱斐顯Podcast第二集。

 

有關我寫詩人李魁賢的完整報導,以及其他相關的網路連結,囥佇下跤(ē-kha),大家會使參考看覓。

 

非常感謝各位的收聽。再會。

 

 

①〈【台灣國際詩人】李魁賢專訪-用台語,創作歷史長詩《二二八安魂曲》〉

文/邱斐顯

https://felicitychiu.blogspot.com/2010/05/blog-post.html

 

 

②〈邱斐顯訪談心情燒錄(35)/感動/三、意外發現,詩人叔叔〉

https://felicitychiu.blogspot.com/2015/06/35.html

 

 

③〈邱斐顯訪談心情燒錄(36)/感動/四、家族歷史,躍入眼簾〉

https://felicitychiu.blogspot.com/2015/06/36.html

 

 

④〈邱斐顯訪談心情燒錄(37)/熱情/一、獲得贈書,收穫豐盛〉

https://felicitychiu.blogspot.com/2015/06/37.html

 

 

⑤〈邱斐顯訪談心情燒錄(38)/熱情/二、草稿久置,險遭遺忘〉

https://felicitychiu.blogspot.com/2015/06/38.html

 

 

⑥李魁賢【名流書房】部落格:

http://kslee-poet.blogspot.com/

 

 

⑦李魁賢維基百科:

https://zh.wikipedia.org/wiki/%E6%9D%8E%E9%AD%81%E8%B3%A2

 

 

Amazon網站李魁賢:

https://www.amazon.com/-/zh_TW/Kuei-Shien-Lee/e/B00KN1A27W/ref=aufs_dp_fta_dsk